యూట్యూబ్ స్టార్స్ ఘోర మోసం: విదేశాల్లో ఉంటూ నోట్ల కట్టలు గుంజిన NRI కేటుగాళ్లు..జాబ్ వీసాల పేరుతో భారీ మోసం 50 మంది నిరుద్యోగులు బలి!
హైదరాబాద్: సోషల్ మీడియాలో సెలబ్రిటీలుగా చలామణీ అవుతూ, లక్షలాది మంది ఫాలోవర్లను సంపాదించుకున్న ప్రముఖ యూట్యూబర్లు నిరుద్యోగుల జీవితాలతో ఆడుకున్నారు. తాము విదేశాల్లో స్థిరపడిన ఎన్నారైలమంటూ (NRIs) కలరింగ్ ఇస్తూ, ఇండియాలో ఉన్న అమాయక నిరుద్యోగులను టార్గెట్ చేసి కోట్ల రూపాయల స్కామ్కు తెరలేపారు. జాబ్ రిలేటెడ్ వీసాలు ఇప్పిస్తామంటూ ఏకంగా 50 మందిని నిలువునా ముంచేసిన ఘరానా మోసం వెలుగుచూసింది.
యూట్యూబ్ హంగులతో బురిడీ
నిందితులు విదేశాల్లో తాము గడుపుతున్న విలాసవంతమైన జీవితాన్ని యూట్యూబ్ వీడియోల ద్వారా చూపిస్తూ పెద్ద ఎత్తున ఫాలోవర్లను సంపాదించుకున్నారు. ఆ క్రేజ్ను పెట్టుబడిగా మార్చుకుని, ఇండియాలో ఉంటూ విదేశీ ఉద్యోగాల కోసం ప్రయత్నించే యువతను ట్రాప్ చేశారు. తాము ఉన్న దేశాల్లోనే మంచి కంపెనీల్లో ఉద్యోగాలు ఇప్పిస్తామని, వీసా ప్రాసెస్ సులభంగా పూర్తి చేస్తామని నమ్మబలికారు. సెలబ్రిటీలే స్వయంగా చెప్తున్నారు కదా అని నమ్మి వందలాది మంది నిరుద్యోగులు వీరిని సంప్రదించారు.
ఒక్కొక్కరి నుండి రూ. 20 లక్షలు వసూలు
ప్రాసెస్ ఫీజు, వీసా ఖర్చులు, సెక్యూరిటీ డిపాజిట్ల పేరుతో ఒక్కొక్కరి నుండి రూ. 20 లక్షల చొప్పున వసూలు చేసినట్లు సమాచారం. ఇలా దాదాపు 50 మంది దగ్గర నుండి సుమారు 100 లక్షలకు పైగా (కోట్లాది రూపాయలు) వసూలు చేసి ఆ డబ్బుతో విదేశాల్లో జలసాలు చేస్తున్నారు. బాధితులు డబ్బులు చెల్లించి, వీసాల కోసం నిలదీయడం ప్రారంభించడంతో.. తమ సోషల్ మీడియా అకౌంట్లను, ఫోన్ నంబర్లను మార్చేసి బాధితులకు హ్యాండ్ ఇచ్చారు.
రంగంలోకి దిగిన పోలీసులు
తమను నమ్మి మోసం చేసిన ఎన్నారై యూట్యూబర్లపై బాధితులు సైబర్ క్రైమ్ పోలీసులను ఆశ్రయించారు. కేసు నమోదు చేసుకున్న పోలీసులు.. నిందితులు విదేశాల్లో ఉన్నందున వారిపై లుకౌట్ నోటీసులు జారీ చేసేందుకు సన్నాహాలు చేస్తున్నారు.పోలీసుల హెచ్చరిక: సోషల్ మీడియాలో, యూట్యూబ్లో కనిపించే రంగుల ప్రపంచాన్ని చూసి, ఎన్నారైలమని చెప్పుకునే వ్యక్తులను గుడ్డిగా నమ్మి లక్షలాది రూపాయలు ఇచ్చుకోవద్దని పోలీసులు హెచ్చరిస్తున్నారు. అధికారిక గుర్తింపు ఉన్న ఏజెన్సీల ద్వారా మాత్రమే వీసా ప్రక్రియలు జరుపుకోవాలని సూచించారు.